Back to News

Naalakkersuisut True North Gems-ip rubininik piianissamik qinnuteqaataat tamanut ammasumik tusarniaatigineqarnissaa aallartippaat

 
7 Juni, 2013 - Vancouver, British Columbia - True North Gems Inc. (the "Piginneqatigiiffik”) (TSX-V: TGX) nuannaarutigalugu nalunaarutiaa, piginneqatigiiffiup Aappaluttumi Rubininik piiaanissamik qinnuteqaataat Naalakkersuisut tamanut ammasumik tusarniaassutigineqarnissaanut aalajangernerat.
  
Qinnuteqaatip tiguneqarnera Aappaluttumi Rubinisiornissamik suliniutip ingerlariaqqinnissaanut pingaaruteqarluinnartuuvoq; piginneqatigiiffik Naalakkersuisullu, qaqugu ataatsimiisitsinissat pinissaat oqaloqatigiissutigaat. Ataatsimiisitsinissat qaqugu pinissaat paasinarseriarpata nalunaarutigineqarumaarput.  
 
”Suliniutip ineriartortinnerani angusap pingaaruteqarluinnartup nalunaarutigisinnaanera nuanneqaaq” Nick Houghton True North-ip allaffissornikkut pisortaa taamak oqarpoq. ”Ataatsimiisitsinerni rubininik safirinillu tunisassiornissap qanoq Kalaallit Nunaanni innuttaasunut iluaqutaasinnaaneranik saqqummiussinissamik nassuiaasinnaanissamillu periarfissinneqassaagut”.
 
Piiaanissamik qinnuteqaatip siullermik juni 2011-mi tunniunneqaqqaarneraniit arlaleriarluni iluarsaanneqarlunilu naleqqussarneqartarsimavoq (takuuk tusagassiutinut nalunaarut 13, juni 2011-meersoq). Qinnuteqaatip tunniutinnginnerani piginneqatigiiffik innuttaasunik isumasiuisimavoq, akissutillu Inuiaqatigiinni Piujuartussamik Iluaqutaasumik Sunniutissanik Naliliinermi aammalu Avatangiisinut Sunniutissanik Naliliinermi ilanngunneqarsimallutik. Aammattaaq piginneqatigiiffiup Aatsitassanik Ikummatissanillu Pisortaqarfik aammalu Naalakkersuisut qanimut suleqatigisimavaat, taamaasilluni tusarniaanissat anguneqarsinnaalersimallutik. Piginneqatigiiffiup Aappaluttumi Rubineqarfiup misissorneraniit rubinisiorfinngortinneqarnissaa qilanaaraa taamaasilluni Kalaallit Nunaanni ujaqqanik erlinnartunik piiaavik siullerpaaq ammarneqarsinnaaniassammat.          
 
Inuussutissarsiutinut Aatsitassanullu Naalakkersuisoq Jens-Erik Kirkegaard oqarpoq “Nuummi aamma Qeqertarsuatsiaani tamanut ammasumik ataatsimiisitsinissanut aamma soqutigisaqatigiit tusarnissaanut erinisuppunga, neriuutigaaralu ataatsimiisitsinerit peqataaffigineqarluarumaartut.”  
True North Gems Inc. TSX Venture Exchange-mi nalunaarsorsimavoq, aammalu Kalaallit Nunaanni Amerikallu avannaani ujaqqanik erlinnartunik qalipaatilinnik ujarlernermik ineriartortitsinermillu suliaqarluni. Piginneqatigiiffik ujaqqanik erlinnartunik qalipaatilinnik ujarlernermi siuuttuuvoq, maannakkullu Kalaallit Nunaanni Aappaluttumi rubininik safirillu aappaluartunik suliniut kisimi ingerlataralugu, Yokon-imi Tsa da Glisza smaragdinik ujaarlerfik kisimi ingerlataraa, aammalu Nunavummi Baffin Island-imi Beluga Safir-inik ujaarlerfiani kisimi ingerlatsisuuvoq. True North-ip Kalaallit Nunaanni suliniutip Aappaluttumi rubineqarfiup niuernermik tunngaveqarluni ineriartortinneqarnerata ingerlateqqinneqarnissaa pingaarnertut suliaraa.
Paasisaqarnerorusukkuit, attavissaq:
Nicholas Houghton,
Allaffissornikkut Pisortaq

Oqarasuaat: +001 604-687-8055
Nittartagaq: www.truenorthgems.com
Email: info@truenorthgems.com